Дотоод аудиторуудад олгох батламж, мэргэшил
IIA Certifications and Qualifications

Дотоод Аудиторуудын Олон Улсын Институт (IIA Глобал)-ийн батламж, мэргэшлийг эзэмшин ажил албандаа өсөж дэвш!

Та аудитын замналаа дөнгөж эхэлж байгаа, эсвэл шинэ өндөрлөгт дэвшин ажиллаж байгаа аль ч тохиолдолд IIA Глобалын мэргэжлийн батламж Таны ажил албаны өсөлт дэвшлийг зөв чиглэлээр замнуулна. Илүү орлого олох боломж*, илүү гүнзгий мэдлэг, илүү итгэл хүлээх чадвар бүхий шинэ боломж руу зорин тэмүүлнэ үү.

Та мэргэшлийн гэрчилгээ эзэмшсэнээр, үйлчлүүлэгч болон ажил олгогчийнхоо өмнө аливаа зүйлийг чанартай хийх өндөр сэдэл тэмүүлэлтэй, мэдлэг боловсролтой, үнэнч шударга, багийнхаа үнэ цэнэтэй гишүүн гэдгээ мэдрэх болно.​

CIA Certification

Мэргэшсэн дотоод аудитор
(Certified Internal Auditor)

Мэргэшсэн дотоод аудитор® (CIA®) цол хэргэмийг амжилтынхаа гол түлхүүр болго! Дотоод аудитын олон улсын анхдагч батламж болох CIA цол хэргэмийг хүртэж, дотоод аудитын чиглэлээрх мэдлэг, мэргэжлийн ур чадвараа илтгэн харуулна уу. Илүү ихийг судлах.
CCSA Certification

​Хяналтын өөрийн үнэлгээний гэрчилгээ
(Certification in Control Self-Assessment)

Хяналтын өөрийн үнэлгээний гэрчилгээг® (CCSA®) эзэмшиж, байгууллагынхаа өөрчлөлт шинэчлэлтийг удирдан жолоодох ур чадвараа илтгэн харуул! CCSA нь хяналтын өөрийн үнэлгээ (CSA)-ний суурь мэдлэг, үйл явцыг эзэмшсэн, аль ч түвшний туршлага бүхий ажилтнуудад зориулагдсан юм. Илүү ихийг судлах.
CGAP Certification

​Төрийн аудитын мэргэшсэн мэргэжилтэн
(Certified Government Auditing Professional)

Төрийн аудитын мэргэшсэн мэргэжилтэн® (CGAP®) хэмээх энэхүү цогц мэргэжлийн батламж нь холбооны/үндэсний, улсын/мужийн засгийн газар, орон нутгийн захиргаа, засгийн газрын заавраар ажилладаг байгууллага болон Эзэн хааны эрх мэдлийн байгууллага зэрэг улсын салбарын бүх шатанд ажиллаж буй дотоод аудиторуудад зориулагдсан. Илүү ихийг судлах.
CFSA Certification

​Санхүүгийн үйлчилгээний мэргэшсэн аудитор
(Certified Financial Services Auditor)

Санхүүгийн үйлчилгээний мэргэшсэн аудитор® (CFSA®) болж, санхүүгийн үйлчилгээний талаарх өргөн мэдлэгээ илтгэн харуулж, санхүүгийн үйлчилгээний аудитын мэргэжилтний хувьд өсөж дэвш! Энэхүү батламж нь банкны байгууллага, банк бус санхүүгийн байгууллага, хадгаламж зээлийн хоршоо, зээлийн холбоо, даатгалын компани болон бусад санхүүгийн байгууллагад ажилладаг мэргэжилтнүүдэд зориулагдсан юм. Илүү ихийг судлах.
CRMA Certification

​Эрсдэлийн удирдлагын баталгаажуулалтын гэрчилгээ
(Certification in Risk Management Assurance)

Эрсдэлийн удирдлагын баталгаажуулалтын гэрчилгээ® (CRMA®) нь эрсдэлийн баталгаажуулалт, засаглалын үйл явц, чанарын баталгаажуулалт, хяналтын өөрийн үнэлгээг хийх үүрэг хариуцлага, туршлага бүхий дотоод аудиторууд болон эрсдэлийн удирдлагын мэргэжилтнүүдэд зориулагдсан. Илүү ихийг судлах.
QIAL Qualification

​ШИНЭ! Дотоод аудитын манлайлагчийн мэргэшил
(Qualification in Internal Audit Leadership)

Хэрэв Та байгууллагынхаа манлайлагч болох, эсвэл Таны одоогийн манлайлах чиг үүрэгтээ оролцогч талуудын, мэргэжил нэгтнүүдийн итгэх итгэлийг нэмэгдүүлэхийг хүсэж байвал Дотоод аудитын манлайлагчийн мэргэшил® (QIAL®) нь ирээдүйн манлайлагч хэмээх итгэлийг Танд бий болгож, улам бэхжүүлэх чадварыг дээшлүүлэхэд тань туслах болно. Илүү ихийг судлах..​

* IIA Глобалаас 2014 онд явуулсан Дотоод аудитын цалин хөлсний судалгаанаас үзэхэд, нэг буюу хэд хэдэн батламж эзэмшсэн дотоод аудиторуудын дундаж цалин ямар нэгэн батламжгүй дотоод аудиторуудаас 30 хувь өндөр байдаг байна (АНУ-д авсан хариунд үндэслэв).

Шалгалтын төв​

ШУТИС-ийн Англи хэлний академи (English Academy of MUST) нь Pearson Vue тестийн төвийн Улаанбаатар дахь албан ёсны салбар юм.  Тестийн төвд 6 шалгуулагч нэгэн зэрэг онлайн шалгалт өгөх боломжтой.
Хэрвээ Та олон улсын Мэргэшсэн дотоод аудитор (CIA)-ын шалгалтыг сонирхож байгаа бол уг төвд хандана уу.​

Хаяг:

Сүхбаатар дүүрэг, 8-р хороо, Бага тойруу 34, ШУТИС-ийн Төв номын сан, 4 давхар, 406 тоот, ШУТИС-ийн Англи хэлний Академи.


Илүү их мэдээлэл авахыг хүсвэл Pearson Vue http://www.pearsonvue.com/iia/​ цахим хуудаст зочилно уу.